ကျမနေထိုင်နေတဲ့ လက်ရှိ နိုင်ငံ နှင့် ကျမကြီးပြင် ရှင်သန်လာခဲ့ရာ အရပ်ဒေသတစ်ခု ကြားထဲ ကွဲပြားခြားနားနေတဲ့ အယူအဆတွေ ၊ မတူညီမှုတွေ၊ အမြင်သဘော တရားလေးတွေ မရေတွက်နိုင်အောင် ခြားနားနေတယ် ။ ဒီမတူညီတဲ့ အရာအားလုံးထဲက ရေဆိုတဲ့ အရာလေးတစ်ခုတောင် မယုံနိုင်လောက်အောင် ကွဲပြားခြားနားနေခဲ့ပါတယ်။
ကမ္ဘာကြီး၏ သုံးပုံနှစ်ပုံခန့်ဟာ ရေလွှာထု ဖြစ်နေတဲ့အပြင် နေ့စဉ်နှင့် အမျှ မရှိမဖြစ် လိုအပ်နေသော ရေကို သီးသန့် အဓီပ္ပါယ်ဖွင့်စရာ မလိုအပ်ပေမယ့် အသုံးဝင်ပုံနှင့် အကျိုးသက်ရောက်ပုံချင်းက ရေမြေသဘာဝနှင့် မြေမျက်နှာသွင်ပြင် တည်နေရာအကျယ်အ၀န်းပေါ်တွင့် မှုတည်၍ ကွဲပြားခြားနားလေသည်မှာ စိတ်ဝင်စားစရာ ကောင်းနေပါတယ်...
ကျမတို့ ရေကို ပေါများစွာ သုံးစွဲခဲ့ကြတယ်။ လိုသလောက် လည်း သုံးခဲ့ကြပါတယ်။ အလျှံအပယ်သုံးခဲ့တယ်။ သို့သော် တခါတစ်ရံတော့ အလွန်ရှားပါးစွာ လိုအပ်ခဲ့သည်မျိုး လည်းကြုံခဲ့ရတတ်ပါတယ်။ ရေပြတ်လတ်မှု ရေရှားပါးမှု ရေကြီးမှု ရေဆာမှု စသည်ဖြင့် ကြုံဆုံချိန်ရောက်တိုင်း အေးစက်ကြည့်လင်နေတဲ့ စမ်းရေလေးတစ်ပေါက်လောက် သောက်ချင်လိုက်တာ ချိုးချင်လိုက်တာ လို့ ဆုတောင်းတတ်ကြပါတယ်။ တဟုန်းဟုန်း ကျဆင်းနေတဲ့ ရေတံခွန်ကြီးအောက်မှာ အေးစက်နေတဲ့ ရေကို မြင်လိုက်ကြားလိုက်ရတဲ့အချိန်မှာ ကျမတို့အမောပြေသွားတာဘဲလို့ စကားဆိုတတ်ကြပါတယ်။ တောနက်ကြီးထဲက အေးစက်နေတဲ့ ကျောက်စက်စမ်းရေ မရှိတဲ့ မြို့ပြမှာတော့ ရေစည်အတွင်းကရေ အုတ်ကန်အတွင်းက လောင်ရေ ရေအေးလေးတွေကို တပ်မက်ကြပါတယ်။
တချိန်ကတော့ ကျမအမေက ရေနွေးလေးနဲချိုးလိုက်ပါအုံး။ ကိုယ်လက်ကိုက်နေတယ်ဆိုရင် … ဆောင်တွင်း ရေနွေးလေး တည်ပြီးချိုးနော် အအေးပတ်အုံးမယ် … အောင်မလေးရေနွေးနဲ့ မချိုးနဲ အတွင်းကအပူတွေ မထွက်ဘူး … ရေအေးလေး လောင်းချိုးလိုက် အပူထွက်လာရင် မအေးတော့ပါဘူး …ဆိုတဲ့ စကားမျိုးတွေနှင့်လည်း ကျမတို့ ရင်နှီး ကြီးပြင်း လာခဲ့ကြပါတယ်။ ဒါတွေကို တရားသေ ယုံကြည်စရာ မှတ်သားစရာ လိုက်နာစရာ ဆိုရင် လူမျိုးတစ်ခု၏ စရိုက် နေထိုင်ရှင်သန်မှုသာဖြစ်ပါတယ်။ မြန်မာနိုင်ငံကဲ့သို့ ရေမြေသဘာဝ နှင့် ရာသီဥတုအတွက် မှန်ကန်နေပါတယ်။ ဒါပေမယ့် ကျမတို့ မြန်မာနိုင်ငံထဲက ထွက်ခွာပြီး တခြားအသွင်မတူညီတဲ့ ပတ်ဝန်းကျင်ကို ရောက်ရှီလာမယ် ဆိုရင် ဟိုအရင်က လက်ခံခဲ့တဲ့ အမှန်တရားတွေ ပြောင်းလှဲသွားပါတော့တယ်၊ အဲဒီအမှန်တရားတွေ ပျောက်ကွယ်သွားပါတယ် ...
ယနေ့ကျမရောက်၇ှိနေတဲ့ အရှေ့အရှေု့အလယ်ပိုင်း ရေမြေ ရာသီဥတု အတွက် သဘာဝကပေးထားတဲ့ ရေ၏တန်းဖိုးဟာ ကျမတို့သိခဲ့တဲ့ ရေ၏တန်းဖိုးနှင့် လုံးဝကွဲပြားလို နေပါတယ်။ ရေတွင်း၊ ရေကန် ၊ မြစ်ချောင်း အင်းအိုင်း ပေါများစွာ ရှီတဲ့ ကျမတို့ မြန်မာပြည်မှာ ရေကို လိုသလောက်ရနေတဲ့ အတွက် တန်းဖိုးမထားတတ်ကြပါဘူး။ ရေတစ်စက် တစ်ပေါက် မလောင်းဘဲ ပေါက်ရောက်နေတဲ့ သစ်ပင်ခြုံနွယ် တောတန်းတွေ သစ်ပင်ကြီးတွေ ပေါက်ရောက်နိုင် တဲ့ မြန်မာပြည်မှာ ရေဟာ မြေကြီးထဲမှာ ပေါများစွာ ရှိနေသလို့ ဒီအရှေအလယ်ပိုင်းဒေသတွေမှာ ရေဟာ ပေါများစွာ ရှိမနေတာ ထူးဆန်းစရာကောင်းပါတယ်။ အစေ့ချတိုင်း အပင်ပေါက်နိုင်တဲ့ မြန်မာပြည်က မြေဆီတွေလိုဘဲ လို့ ထင်လာခဲ့တဲ့ ကျမတော့ ဒီနိုင်ငံမြေကြီးမှာ မြေဆီမြေသား တစ်စတစ်ပဲ့မှ မရှိတဲ့ သဲမှုန်သဲမွှားတွေကို သာ အံသြစွာ တွေရခဲ့သလို့ ။ နီရဲပူလောင်နေတဲ့ မြေလွှာနဲ့ ခြောက်သွေ့ ပူလောင်နေတဲ့ ပတ်ဝန်းကျင်မှာ သစ်ပင်ဆိုတာ စိန်တစ်ပွင့်ထက်ရှားပါလို့နေပါတယ်။ ဒီနေမြေ ဒီဒေသမှာ ရေဆိုတာ အလွန်တရားရှားပါးနေတဲ့ အဖိုးတန်း ရတနာတစ်ပါးပေါ့ရှင် ။ ကမ်းမမြင်တဲ့ သဲပင်လယ်ဂန္တရ ထဲမှာ ရေတစ်ပေါက် တစ်စက်ဆိုတာ သီကြားမင်းက ဖန်ဆင်းတဲ့ နတ်ဆေးရေပေါ့ရှင်…ဒီရေတစ်ခွက် ရှာမတွေ့ခဲ့လို့ သေဆုံးခဲ့ရတဲ့ သတ္တ၀ါပေါင်းဒုနဲဒေး ရှိခဲ့ပါတယ်…
ဒါပေမယ့် သဘာဝဆိုတာ ပြောမပြနိုင်လောက်တဲ့ ထူးခြားဆန်းကျယ်မှုတွေ ရှိလိုနေပြန်တယ်။သဘာဝတရားက လူသားတို့ အသက်ဆက်နေထိုင်ဖို့ ရေ နှင့် အစားသောက်ကိုလည်း ဖန်ဆင်းပေးထားပါတယ်။ ``အိုအေစစ်´´ ဒီစကားလုံးလေးရဲ့ အတိန်အနက်ကို စကားလုံးတွေနှင့် ဖော်ပြလို့မရနိုင်ပါဘူး။ ကျမ ရှမ်းပြည်၊ ကရင်ပြည် ၊ ပြင်ဦးလွင် လိုနေရာတွေမှာ ရေပူစမ်းတွေကို တွေ့ဖူးပါတယ်။ ထူးဆန်း အံ့သြစရာကောင်းတယ် လိုဘဲ တွေးမိခဲ့ဖူးတယ်။ သိပ်ကို လိုအပ်တဲ့ အသုံးဝင်တဲ့အရာလို့ မတွေးခဲ့မိဘူး။ ဒါပေမယ့် ဂန္တရထဲက အိုအေစစ်ကလေးကိုတွေတဲ့အချိန်၊ ရေငံပင်လယ် ၀ိုင်းဝန်နေတဲ့ ကျွန်းလေးတစ်ကျွန်းထဲက အိုအေစစ်ကလေးကိုတွေတဲ့အချိန်မှာ ထူးဆန်းတဲ့ သဘာဝတရားကို ကျေးဇူးတင်လိုက်ပါတယ်။ ဒီဒေသအတွင်း လူသန်းပေါင်းများစွာအတွက် ရေကိုဖန်းဆင်းပေးနိုင်တဲ့ ခေတ်မှီနည်းပညာတွေကို ကျေးဇူးတင်လိုက်မိတယ်။ မိုးမရှိတဲ့ တိုင်ပြည်က ရေဖြစ်တည်နေမှုအပေါ် အံ့သြမိတယ်။ မိုးပေါ်က အလိုလို ကျလာတဲ့ ရေဖြစ်တည်းမှုကိုဘဲ ကျမတို သိခဲ့တာကို ။ မြေလွှာထဲ ရေတွေ မမြဲ အပြည့်ရှိနေတယ် ၊ တွင်းတူးလိုက်တိုင်း ရေရမယ်ဆိုတဲ့  ယုံကြည့်မှုတွေ ဒီဒေသမှာ မှားယွင်းလို့ နေခဲပါတယ်။
ရေဖြစ်တည်မှုတစ်ခုတည်း လား ဆိုတော့ မဟုတ်သေးပါဘူး …ရေနှင့် လူကြားက ဖြစ်တည်မှုကလည်း အသွင်မတူခဲ့ပါဘူး ကွဲပြားနေခဲ့ပါတယ်.. ပူအိုက်လွန်းတဲ ပတ်ဝန်းကျင် ခြောက်သွေ့လွန်းတဲ့ ရာသီဥတု အရာအားလုံး ပူချစ်တောက်နေတဲ့ အခြေနေမျိုးမှာ လူခန္ဒာကိုယ် အပူချိန် သွေးခုန်နှုန်းဟာလည်း ပြောင်းလှဲလို့ နေပါတယ်။ ဒါကြောင့် လေပူကြား မြေပူကြားမှာ ရေပူပူနွေးနွေးလေးပဲ လူကိုယ်အပူချိန်နဲ လိုက်ဖက်ပါတယ်။ အရိုးအတိပူအိုက်နေတဲ့ နွေခြောက်လအတွင်း ပူချစ်တောက်နေတဲ့ ရေကို အေးအောင် သိုလှောင်ထားပြီး နွေးရုံလေး နွေးနေတဲ့ ရေသာ လူသားတွေ အတွက် သင့်လျှော် ပါတယ်။ တစ်နွေလုံး ပူချစ်တောက်နေတဲ့ရေ နှုင့် နေသားတစ်ကျဖြစ်လာခဲ့သလို့ အေးစက်ကြမ်းတမ်းတဲ့ ဆောင်းတွင်း ပြင်းထန်တဲ့ လေကြမ်းတွေတိုက်တဲ့ အရပ်မှာ ကျောစိမ့်အောင်အေးတဲ့ လေပြင်းဒဏ်တွေအောက် Heater သာမ ရှိရင် ကျမရေချိုးနိုင် မယ်မ ထင် ပါဘူး။ တရားသေ လက်ခံထားခဲ့တဲ့ ရေအေးအေးလေးနှစ်သက်မှုဟာ သုံးနှစ် ဆိုတဲ့ အချိန်တိုလေးအတွင်းမှာ ပြောင်းလှဲသွားပါတယ်။ ဒီအချိန်မှာတော့ ကျမ တောင်ကျ ချောင်းရေ ကို ချိုး ဖို့ ကြောက် ရွံနေတာ အမှန်ပါဘဲ ။ တောင်ကျရေလို အေးစိမ့်စိမ့်ကိုသာ ချိုးရမယ်ဆိုရင် ကျမဖျားမှာသေချာတယ်..ရေစိမ်း ကို ကျမကြောက်တတ်လာခဲ့ပါတယ်…
အထူုးသဖြင့် မြန်မာနိုင်ငံမှ ရောက်လာစလူတွေအတွက် ဒီနိုင်ငံလိုရာသီဥတုဟာ အင်မတန်ဆိုးဝါးတဲ့ ရာသီမျိုးဖြစ်ပါတယ်။ အဆမတန် အေးစက်နေတဲ့ လေအေးပေးစက်တွေနှင့် ပြောမပြနိုင်လောက်အောင် ပူပြင်တဲ့ ရာသီဥတုကြား လူသွေးအသားဟာ ခုပူလိုက် ခုအေးလိုက် မမျှတတဲ့ အရပ်ဒေသမှာ မျှတနိုင်စေတဲ့ အတွေးအခေါ်အယူဆတို့ဖြင့် သဘောတရားအမြင်လေးတွေကို လက်ခံနိုင်ဖို့လိုအပ်ပါလိမ့်မယ်။ ငါအသိ ငါအတ္တ ငါအယူအဆ သာမှန်ကန်၏လို့ တရားသေ သတ်မှတ်ခြင်းဟာ ငါဆိုတဲ့ ပေတံကြောင့် ဖြစ်နေတာပါ။ ငါ့ပေတံ ကို ငါအသိညဏ် ငါအတိုင်းတာနဲ့ ဆုံးဖြစ်ချက်ပြုထားတဲ့ အတွက် မှန်တယ်လို့ မယူဆနိုင်ပါဘူး။ ငါဟာ ငါ့ပတ်ဝန်းကျင်က ဖန်ဆင်းခံတစ်ယောက် သာ ဖြစ်တယ်ဆိုတာ လက်ခံသင့်ပါတယ် ။ ငါ့ပတ်ဝန်းကျင် ကမြင်တဲ့ အမြင်ပဲ ငါ့ဆီမှာ ရှိတယ် ။ ငါ့ပတ်ဝန်းကျင်က သိသလောက်ဘဲ ငါ့ညဏ်က သိတယ်ဆိုတာသာ ရဲရဲဝံ့ဝံ့ လက်ခံနိုင်မယ်ဆိုရင် ငါယုံကြည့်မှုဟာ အမှန်တရားစစ်စစ်ဖြစ်မနေနိုင်သေးပါဘူး ကျမတို လူလောကထဲ ကျန်းမာစွာ အသက်ရှင်နေထိုင်နိုင်ဖို့ ကျမတို ပြောင်းလှဲသင့်ရင် ပြောင်းလှဲကြရလိမ့်မယ်..
ကျမ မိတ်ဆွေတစ်ယောက် ဆိုရင် ရေခဲ့ရေပဲ သောက်တယ် ။ ရေအေးအေးလေးပဲ ချိုးတယ် ။ ရေပူဒဏ်လုံးဝမခံနိုင်ဘူးတဲ့ ။ တစ်နေတော့ သူ အပူချပ်ြ့ပီး ဖျားတယ်။ သူအယူဆတွေကိုကြည့်ရင်း လူဆိုတာ နေရာဒေသ ကိုလိုက်ပြီး ပြောင်းလှဲသင့်တာကိုပြောင်းလှဲနိုင်ရမယ်လို့ ကျမနားလည်းလာတယ်။ ရေအေးဆိုတဲ့ တရားသေယုံကြည့်မှုလေးတစ်ခု ကြောင့် ကြီးစွာသော ဒုက္ခကို ခံစားရနိုင်တယ်ဆိုရင် အကယ်၍များ အရာအားလုံးကိုသာ တရားသေ ဖမ်းဆုပ်ထားကြမယ်ဆိုရင် ဖြင့် ရင်လေးစရာတွေ ကြီးဘဲ ဖြစ်လိုနေပါတော့မယ်။ လူတစ်ယောက်ဟာ လိုအပ်သလို့ လိုက်လျောညီထွေတဲ့ ဓလေ့စရိုက်အသွင်ကို ကူးပြောင်းနိုင်မှသာ ကိုယ်ပြည်ကိုယ်ရွာကိုစွန့်ပြီး ကမ္ဘာအရပ်ရပ်ကို သွားရောက်နေထိုင် အသက်ရှင်နိုင်ပါလိမ်မယ်။ ဒါဟာ သင့်ယူခြင်းပါဘဲ။
ဖျားနေတဲ့ ကျမမိတ်ဆွေက ပြောသေးတယ် … ဒီနိုင်ငံကဆေးတွေကို မသောက်ချင်ပါဘူး … ဘာတွေမှန်း လည်းမသိဘူး… ဆရာဝန်တွေကလည်း ဘာမှမတတ်ဘူးတဲ့ … ရှင်တို့ဘယ်လိုမြင်ကြသလည်း… သူပြောတာ တစ်ကယ်ဘဲ မှန်နေသလား…ကျမတိုအဲလိုဘဲ ခေါင်းမာစွာ အယူသေးမှုတွေ ကို လက်ကိုင်းထားသင့်သလား ပြောင်းလှဲသင့်သလားဆိုတဲ့ မေးခွန်းလေး တစ်ခု ကိုယ်တိုင်းမေးကြည့်သင့် ဖြေကြားသင့်တယ်...
